கடலூரில் மர்மநபர்கள் படகுகளுக்கு தீவைப்பு!
#CaptainNews |
#TamilNews |
#பரங்கிப்பேட்டை
கடலூர் மாவட்டம் பரங்கிப்பேட்டையில் சுருக்கு வலை பயன்படுத்தும் விவகாரத்தில் இரு படகுகளுக்கு மர்மநபர்கள் தீவைத்துள்ள சம்பவம் பதற்றத்தை ஏற்படுத்தியுள்ளது.
கடலூர் மாவட்டத்தில், சுருக்கு வலை உபயோகித்து மீன் பிடிக்கக்கூடாது என்று புதுப்பேட்டை, புதுகுப்பம், சாமியார்பேட்டை, சின்னூர் உள்ளிட்ட ஏராளமான மீனவ கிராம மக்கள் கடும் எதிர்ப்பு தெரிவித்து வருகின்றனர்.
அதேவேளையில், சுருக்கு வலையை உபயோகப்படுத்தி மீன் பிடித்து விற்க அனுமதிக்க வேண்டும் என்று தேவனாம்பட்டினம் மீனவர்கள் மாவட்ட நிர்வாகத்திடம் கோரிக்கை வைத்ததை அடுத்து 3 மாத காலத்திற்கு மட்டும் சுருக்கு வலை பயன்படுத்தி மீன்பிடித்து கொள்ளலாம் என்று மாவட்ட ஆட்சியர் அனுமதி வழங்கியிருந்தார்.
இந்நிலையில் இன்று பல கிராமங்களை சேர்ந்த 500க்கும் மேற்பட்ட கட்டுவளை மீனவர்கள் தங்களது படகுகளை எடுத்து வந்து பரங்கிப்பேட்டை அன்னங்கோவில் மீன்பிடி துறைமுகத்தில் நிறுத்தி, சுருக்கு வலை மீனுக்கு எதிர்ப்பு தெரிவித்தனர்.
மேலும் கடல் முகவாரத்தில் சுமார் 4 படகுகள் நிறுத்திவைக்கப்பட்டிருந்தது. இந்த நிலையில், அதில் இரண்டு படகுகளுக்கு மர்மநபர்கள் தீவைத்து சென்றதால் மீனவ கிராமங்களில் பெரும் பரபரப்பும் பதற்றமும் நிலவி வருகிறது.
தீவிபத்து குறித்து அருகாமையில் உள்ள காவல்நிலையத்துக்கு தகவல் தெரிவிக்கப்பட்டது. இதையடுத்து சம்பவ இடத்திற்கு விரைந்த காவல்துறை அதிகாரிகள் நடத்திய விசாரணையில், சுருக்கு வலை பயன்படுத்தும் விவகாரத்தில் படகுகளுக்கு தீவைக்கப்பட்டது தெரியவந்துள்ளது. இதையடுத்து, கடலூரில் இருந்து சென்ற காவல்துறையினர் சம்பவ இடத்தில் பாதுகாப்பு பணியில் குவிக்கப்பட்டுள்ளனர். இதனால் மீனவ கிராமங்களில் பரபரப்பு ஏற்பட்டுள்ளது.
Like: https://www.facebook.com/Captainnewstv
Follow: https://twitter.com/captainnewstv
Web: http://www.captainnews.net
கடலூரில் மர்மநபர்கள் படகுகளுக்கு தீவைப்பு! camera iphone 8 plus apk | |
| 1 Likes | 1 Dislikes |
| 79 views views | 133K followers |
| News & Politics | Upload TimePublished on 29 Jul 2019 |
Không có nhận xét nào:
Đăng nhận xét